|
所謂寧買當頭起，山度士上仗贏完利斯菲體育會，終止十場不勝走勢，士氣大振，聽朝巴甲作客彭美拉斯點都打高兩皮波啦！加上彭美拉斯本身有基拔同丹尼臣兩名中前場停賽，攻擊力大減，山度士有力保住一分，「讓球客勝」記住捧場！（開賽時間：周五早上7:30）
近6次交手不敗
講真，山度士屬上季聯賽亞軍，實力點都有番咁上下，今季表現走樣全因為六月開始換上新練古卡，一時適應唔有關！但球隊擊敗利斯菲體育會打斷十場不勝走勢，除振奮軍心之外，多少反映球隊開始熟習新打法。配合埋兩軍近六次交手，山度士有兩勝四和不敗戰績，呢鋪到訪彭美拉斯唔係等，有能力一拚！
何況彭美拉斯本身亦受球員停賽困擾，因為前鋒基拔同中場丹尼臣上仗不敵戈亞斯一役先後被逐，今仗坐波監無疑大大削弱球隊入球能力，山度士想全身而退並非發夢
|
