|
巴甲呢排密密踢，周中又開快車，今日超哥有場心水，哥列迪巴主場對包尾大幡伊帕汀加，兩隊都係今季升班馬，但係客軍似乎完全未夠班，作客失球數字高企，經常畀人大炒，今場大盤分頭不俗，值得捧場！（周四早上６時30分開賽）
睇勻今季巴甲幾隊升班馬中，伊帕汀加目前演出最曳，聯賽十三戰拎得十分，已經畀好多人睇死會做升降機。事實上，呢隊波又真係爭唔落，聯賽作客未開齋之餘，踢六場仲要勁失十八球，平均每場失三球，真係自己一隊都夠開大，防守力曳到極。
哥列迪巴靠主場數胡
哥列迪巴同屬升班馬，本身靠晒主場搵食，今季聯賽主場六戰未輸過，水準夠晒平穩，呢點真係非常緊要。球隊曾於主場以四球大破同級對手波圖基沙，顯示出鋒力絕對唔曳；伊帕汀加防線漏洞百出，相信大軍可望連番射破對手大門，大盤夠穩！
同日仲有唔少熱身賽玩，慕遜加柏會同海倫芬拍跳，慕遜加柏連續兩場熱身賽贏對手二比一，鋒力唔使懷疑，但防線存在隱憂；海倫芬攻力強勁，兩軍勢將對攻，估計入球唔會少，呢場大盤亦信得過。
超哥大細心水
慕遜加柏 （大）
維多利亞 （大）
哥列迪巴 （大）
|
